Ekki fylgist kerlingin vel með hvað er að gerast

Hún er greinilega ekki alveg með á nótunum með hvað er að gerast hérna á landinu.

Ég trúi því engan veginn að þingmenn séu svo afburða heimskir að þeir samþykki þetta þrátt fyrir að meirihluti þjóðarinnar sé á móti þessu kjaftæði.

Núna eru 27.228 manns búnir að gerast meðlimir facebook grúppunnar

Við neitum að borga skuldir sem við berum ekki ábyrgð á! (Icesave-málið)

 en það er kannski sama viðkvæðið hjá henni eins og fyrri formanni "þið eruð ekki þjóðin"

Nei ég held að það væri best að hún segði bara af sér og léti sig hverfa áður en hún verður borin út.

Annars verður hennar mynnst sem kerlingarinnar sem gaf Ísland

 

Sjálfstæðismenn til bjargar

Athugasemdir

[Helgi Hrafn Gunnarsson (IP-tala skráð) 12.6.2009 kl. 15:07]

Öööö, þú misskilur, félagi og bróðir. Við munum blæða fyrir þetta sama hvernig fer. Ef við borgum ekki þessar skuldir, veistu hvað gerist þá?

Ekkert.

Enginn, og ég meina ENGINN, myndi vera svo vitlaus að fjárfesta í Íslandi. Krónan myndi hrapa ennþá meira, tala nú ekki um ef gjaldeyrishöft yrðu afnumin, sem verður að gera fyrr eða síðar. Þá erum við að tala um evruna yfir þúsundkall ef við erum svo heppin að þar nemi staðar, og nánast enginn innflutningur á einu eða neinu erlendu. Öll matar- og lyfjaframleiðsla yrði innlend, þ.e.a.s. langt frá því að vera nóg.

Við værum þá að horfa upp á matar- og lyfjaskort. Engin olía, ekkert gas, ekkert stál, ekkert timbur, ekkert nema innlend framleiðsla á fiski, rafmagni og áli.

Það er hinn möguleikinn. Þess vegna trúir Jóhanna því ekki að Sjálfstæðismenn samþykki ekki samninginn, vegna þess að það er ekki val.

Ef þú vilt ekki borga, þá skaltu flýja land og það strax. Þetta er ekki valkvæmt. Þetta verður samþykkt eða Ísland er búið, game over, hætt við, fattaru.

Ég veit að þetta hljómar svo svartsýnt að það sé út í hött, en það er einmitt málið. Við erum í svo vondum málum að það er varla hægt að ýkja það.

Án erlends fjármagns verður hér engin uppbygging. Það er óumdeild, borðliggjandi staðreynd. Án erlends fjármagns er Ísland búið að vera. Ef við neitum þessum saningingi, þá kemur ekkert erlent fjármagn hingað inn, það er svo einfalt!

Þá værum við að horfa fram á hjálparstarf Sameinuðu Þjóðanna, þú veist, eins og Afríkuríkin. Það væri staðan.

Viltu frekar borga þetta þannig?

[Tóti Sigfriðs, 14.6.2009 kl. 10:19]

Það sem mér finnst nú vera svolítið stórt atriði í þessu máli er sú staðreynd að okkur er sendur reikningur sem er langt frá því að vera öruggt að við eigum að borga.

Það getur vel verið að ykkur finnist allt í lagi að borga reikninga fyrir eitthverja vöru sem að þið hafið aldrei  pantað, en þegar er ekki einusinni spurt hvort við eigum þennan reikning heldur bara borgað þegjandi og hljóðalaust þá er illa farið fyrir sjálfstæði þjóðarinnar.

Íslendingar hafa löngum verið þekktir um víða veröld fyrir sjálfstæði og að ekki er auðvelt að tjónka við þá, en með þessu máli er verið að valta yfir okkur með hótunum og yfirgangi sem ekki á sér fordæmi.

 Fyrir mitt leyti þá tel ég að við eigum að borga þennan reikning EF að það er á hreinu að við eigum þessa skuld, en ég get ekki fyrir nokkurn mun samþykkt að það sé hægt að senda okkur reikning fyrir einhverri vöru sem að við höfum aldrei pantað eða fengið.

 Ef að aftur á móti við samþykkjum þennan reikning og reynum að borga hann, þá er alveg á hreinu að það er ekki möguleiki að við getum staðið við okkar skuldbindingar og þá er allt búið.

Að lúffa fyrir hótunum og yfirgangi erlends ríkis er ekki valkostur sem að við höfum, og þar af leiðandi er það skýr krafa á hendur Alþingi að ganga úr skugga um að okkur beri skylda til að borga, ÁÐUR en við tökum á okkur skuldbindingar sem að við eigum vægast sagt erfitt að standa við.

Það er stór munur á að vera sjálfstæð þjóð í erfiðleikum og sem ekki lætur vaða yfir sig, eða að vera leppríki án virðingar og sem aðrar þjóðir hafa í vasanum.