Svavar Gestsson sérfræðingur í íslenska hagkerfinu

Að sjálfsögðu segir Svavar þetta, býst nokkur heilvita maður við því að sá sem samdi um þennan "hagstæða díl" mundi segja að við ráðum ekki við hann.

Það getur vel verið að með því að mergsjúga íslensku þjóðina, þá sé þetta hægt en það er þegar verið að ganga frá mörgum samsvarandi "dílum" við fleiri þjóðir og þegar lagt er saman er ég hræddur um að ekki verði möguleiki á að borga þetta allt saman.

Þetta telst kannski allt saman í lagi þar sem hlutirnir reddast að sjálfsögðu þegar ESB tekur okkur fagnandi og dreifir seðlum til okkar eins og til þeirra ESB þjóða sem eru í vandræðum nú þegar og Brussel er á fullu við að bjarga.

Það fyllir mig miklu öryggi þegar ég sé Steingrím segja frá því hversu góður samningur þetta er fyrir okkur og sést vel á honum að hann er vel barinn til hlýðni af húsbónda sínum henni Jóhönnu.

Það er ekki svipur hjá sjón að sjá til hans núna en hann er nú einu sinni sérfræðingur í fjármálum og það verður að viðurkennast að það er gott að vera ráðherra þó í kjölturakka formi sé.

Athugasemdir

[Tóti Sigfriðs, 8.6.2009 kl. 07:31]

Það verður því miður að viðurkennast að fréttin við þessa færslu hvarf af síðum moggans