Fullyrðingar Ólínu

Ég skal fúslega viðurkenna að ég samdi og sendi þetta bréf til þeirra sem að sögðu já við frumvarpi um Icesave.

Að það hafi verið ætlað sem bréf sem að aðrir gætu tekið upp og sent, var ekki ætlun mín en ef að svo hefur verið þá er það í fínu lagi.

Ég skrifaði þetta bréf strax eftir atkvæðagreiðsluna á Alþingi og tel mig á engan hátt vera ókurteis eða með áreyti í garð þingmanna heldur eingöngu að lýsa mínum skoðunum á þeim gjörningi sem að ég tel að þeir hafi leitt yfir þjóðina.

Hinsvegar á ég erfitt með að sitja undir þeim svívirðingum og gjalli sem að Ólína telur vera svar við bréfi mínu. Ég verð einnig að taka það fram að ég sjálfur hef ekki móttekið svarbréf frá Ólínu né öðrum þingmönnum þrátt fyrir að hafa sent þetta undir fullu nafni og með e-mail addressu minni.

Til að svara Háttvirtum þingmanni, þé tel ég það á engan hátt vera áreyti að ég skrifi bréf til þingmanns á Alþingi og lýsi yfir óánægju minni með það starf sem að viðkomandi er að inna af hendi fyrir þjóðina.

Það er einmitt mergur málsins að ég tel að þeir þingmenn sem að fengu bréfið frá mér hafi og séu ekki að vinna fyrir mína hagsmuni sem Íslenskur ríkisborgari, heldur hafi þeir sannað það að það séu hagsmunir einhverra annarra sem sitja í fyrirrúmi.

Að bréf mitt sýni sjálfbirgingshátt, yfirlæti og mannfyrirlitningu, get ég ekki samþykkt og að mínu áliti þá er það frekar það sem má lesa úr svarinu frá Ólínu. En það er nokkuð sem að hún verður að eiga við sjálfa sig.

Tilvísanir hennar til björgunar þjóðargjaldþroti og endurreisn efnahagslífsins þarf ekki að fara mörgum orðum um, það lendir á sama stað og „skjaldborg heimilanna“.

Að lokum þá vil ég taka það fram að ég er ekki tengdur Indefence samtökunum á annan hátt en mörg þúsund aðrir Íslendingar og þetta bréf er á engan hátt frá þeim komið.

Kær kveðja

Þórður G. Sigfriðsson

 

Þetta er svo bréfið umtalaða

Háttvirtur þingmaður


Ég kýs þig ekki, þú kaust með Icesave.

Þar sem þér eruð einn þeirra sem hefur sagt já við Icesafe frumvarpinu, þá tel ég að þér hafið sýnt það að hagsmunir Íslands eru þér ekki að leiðarljósi í starfi þínu.

Að mínu áliti eruð þér ekki verðugur fulltrúi á Alþingi og óska ég þess að þér segið af yður hið fyrsta.

Þar sem að þér hafið ennfremur sýnt að vilji fólksins er heldur ekki eitthvað sem að þér þykir skipta máli, þá á ég ekki von á því að þér farið eftir beiðni minni.

Mun ég þar af leiðandi gera allt sem að í mínu valdi stendur sem kjósandi til að koma þér úr starfi eða hindra endurkjör þitt í þeim kosningum sem að verða fljótlega.

Með kveðju
Þórður G. Sigfriðsson

Kannast ekki við fjöldapóst